Ranae et Lepores (Nequam)

This project has evolved to a new blog - ICTIBUS FELICIBUS - so please check there for more poems. Here I will finish up publishing the longer poems, but all the shorter poems, with macrons and meter marks, will be found at Ictibus instead. :-)

---

Source: The fables of the medieval scholar and poet Alexander Nequam are available in several different editions at GoogleBooks.

Other Versions: See Perry 138.

Nequam 34: DE LEPORIBUS ET RANIS

Turbati fremitu · venatorumque canumque,
confugere leves || ad fluvium lepores,
Ut se deiicerent · et praecipitando necarent,
saepe timor timidos || ne cruciaret eos.
Horum littoreae · metuentes agmina ranae,
omnes in fluvium || prosiliere suum.
Tunc unus leporum · fertur dixisse: Timemus,
nec quoque nos solos || nunc metus exagitat.
Ut nos maiores, sic nos metuere minores,
proque necaturis || se saliendo necant.
Ergo revertamur, communia perpetiamur;
vivere non ullus || absque timore potest.
Non metus hic anget · nos semper; credo, redibit
tranquillum tempus, || laetitiaeque dies.
Hoc monet adversis · rebus ne deficiamus;
nam persaepe solent || aspera laeta sequi.

Prose paraphrase:

Lepores leves,
fremitu et venatorum et canum
turbati,
ad fluvium confugere,
ut, praecipitando,
se deiicerent et necarent,
ne timor
saepe eos timidos cruciaret.
Ranae littoreae,
horum agmina metuentes,
omnes
in fluvium suum prosiliere.
Tunc
unus leporum
fertur dixisse:
Timemus,
et nunc
metus quoque
non nos solos exagitat.
Sic ut nos metuere maiores,
minores metuere nos,
et
pro necaturis
se necant saliendo.
Ergo revertamur,
communia perpetiamur;
nam
absque timore
non ullus vivere potest.
Hic metus
non semper nos anget;
credo,
tempus tranquillum redibit,
et dies laetitiae.
Hoc monet
ne deficiamus
rebus adversis;
nam persaepe
laeta solent
aspera sequi.

Image. Here's an illustration for the fable (image source) from a Renaissance edition of Aesop:



Word list thanks to NoDictionaries.com:

Coming soon.

---

Aesop's Fables in Latin now available at Amazon.com.